50 bønder frå Austerrike på gardsbesøk

Når austerrikarane er gemyttlege og kunnskapshungrige og verten er

ein flink gardbrukar og profesjonell guide måtte eit møte som dette bli vellukka.

Bøndene som driv med Simmental i Austerrike er i stor grad konsentrert til

Niederøsterreich og dei har i dei siste 20 åra våre på studiereiser rundt

i Europa. I år kom turen endeleg til Noreg og her står Norsk Simmentalforening,

der Kjærland har vore styremedlem, naturleg nok som vertskap under ei

rundreise frå 14. til 18. april. 

Gruppa starta på Hamar og kjem attende dit

etter å vore innom Vestlandet. To andre gardsbesøk er lagt inn i tillegg til Staur

i Stange som er ein vesentleg stad for all husdyravl.

Hans Reidar  og sambuar Anne Marit Myhre har stått på med

førebuingane i fleire dagar, det skulle til både fjøsvask og klauvskjæring.

No har dei 18 mjølkekyr og to tredelar av dei er Simmental. I tillegg kjem

NRF-kyr og nokre ungdyr av rasen Brown Swiss som er ganske ny på garden.

Hans Reidar og Anne Marit hadde lagt opp til ein skikkeleg velkomst

for gjestene. Etter ein intens spørjerunde vart det servert Hardangersider

frå Ulvik og sjokoladekake og så var det gruppevis omvisning i fjøset.

Gjestene var svært interessert i drifta til verten og dei vart ikkje minst imponert

over at han i stor grad hadde henta Simmental frå deira land - faktisk heilt frå

starten i 1995.

Tekst og foto: Ola Matti Mathisen

(Denne artikkelen til Ola Matti stod på trykk i bladet Kvinnheringen og på nettsida www.uskedalen.no no i vår. God reklame for Norsk Simmental.)